الثلاثاء، 20 أكتوبر 2020 08:48 ص
الثلاثاء، 20 أكتوبر 2020 08:48 ص

السيسى: الكويت والسعودية طلبا المساهمة فى تنمية سيناء.. والتزاماتى هنفذها قبل ما أمشى

السيسى: الكويت والسعودية طلبا المساهمة فى تنمية سيناء.. والتزاماتى هنفذها قبل ما أمشى جانب من الفيديو
الإثنين، 07 مارس 2016 10:53 م
كتب محمد رضا
قال الرئيس عبد الفتاح السيسى، رئيس جمهورية مصر العربية، خلال مداخلة هاتفية مع الإعلامى عمرو أديب، فى برنامج "القاهرة اليوم"، المذاع على قناة اليوم: "كل مكان له شغله وتخطيطه وإن شاء الله هننفذه، وعلشان أكون منصف مع نفسى ومع أشقائنا، عاوز أقول إن أشقائنا فى الكويت والسعودية، طالبين المساهمة فى مشروعات التنمية فى سيناء، وعاوز أطمن المصريين من خلال برنامجك، وعاوزك تطلع بالكاميرا وتشوف كل اللى بقوله على الأرض وتشوف بعد سنة ونص اللى هيكون موجود ويفرحنا كلنا ويفرح المصريين ويفرح أهلنا فى سيناء".

وسأل الإعلامى عمرو أديب، الرئيس السيسى: "حضرتك قولت هعمل ده قبل ما أمشى فى آخر مدتى، فهل تقصد المدة دى"، فرد الرئيس السيسى: "حكم مصر يخضع لإرادة الله سبحانه وتعالى، ثم إرادة الشعب، وفى تقديرى إن الشعب المصرى لن يستطيع أحد أن يفرض عليه أى إرادة غير إرادته لأنه قادر على الفرز بشكل كبير، فهو شعب زكى جدًا، ولديه عمق حضارى لآلاف السنين، والشعب شايف".

وتابع الرئيس السيسى: "لما اتكلم هتكلم عن التزام داخل النطاق اللى انتوا كلفتونى بيه، وأنا بخطط داخل هذا النطاق، واللى هقول عليه دلوقتى من تخطيط هعمله، ولو قدرت أعمل تخطيط بتاع 20 سنة جايه فى السنتين اللى جايين هعمل، ولو قدرت أعمل تخطيط بتاع 30 سنة جايه فى السنتين اللى جايين هعمل، ويارب يقدرنا كلنا وتروا كل الخير يا مصريين بيكوا وبعملكوا".



لا توجد تعليقات على الخبر

اضف تعليق

print