الأحد، 17 أكتوبر 2021 02:16 م
الأحد، 17 أكتوبر 2021 02:16 م

مرتضى منصور: "الدستور لا يمثل عندى جناح بعوضة.. ونزلت 25 يناير لقيتها كلها صيع فرجعت"

مرتضى منصور: "الدستور لا يمثل عندى جناح بعوضة.. ونزلت 25 يناير لقيتها كلها صيع فرجعت" مرتضى منصور عضو مجلس النواب
الخميس، 14 يناير 2016 01:25 ص
كتب أحمد طارق
علق المستشار مرتضى منصور رئيس لجنة حقوق الإنسان بمجلس النواب، على انتقاد البعض له بعدم اعترافه بثورة 25 يناير، قائلا: "كلامى واضح، يا عيال يا هايفة يا تافهة، أنا نزلت 25 يناير الساعة 12 بليل لقيت الميدان فيه العيال الصيع، تانى يوم قلت لأ دى مؤامرة على البلد.. وده رأىّ ومش هغيره.. لكن 28 يناير بعد صلاة الجمعة دى انتفاضة شعب".

وردًا على اعتبار الدستور ثورة 25 يناير ثورة شعبية، قال مرتضى خلال تصريحاته لبرنامج "اللعبة الحلوة" مع خالد الغندور: "أنا أحترم القرآن الكريم، والأحاديث النبوية الصحيحة، إنما الدستور ده لا يمثل عندى جناح بعوضة، وأنا بحترم القانون، وفيما عدا ذلك مجرد اجتهاد بشر، وأنا ضد الدستور ده، وأول واحد قلت إن الدستور فيه مواد كتير جدًا مش مظبوطة وعاملة مشاكل فى مجلس النواب".

واعتبر المستشار مرتضى منصور، أن حقوق الإنسان تتمثل فى كرامة المواطن بمسكن نظيف وصرف صحى ومستشفى لائق وعلاج مناسب، وأن يعامل المواطن باحترام داخل أقسام الشرطة حتى وإن كان مدانًا.

وأوضح مرتضى: "لجنة حقوق الإنسان بترد على تقارير الأمم المتحدة، والأشكال اللى زى أوباما وكيرى المقرفة دى، لازم يبقى رئيسها راجل وطنى، ماينفعش يبقى راجل بيتمول من الخارج، والمجلس القومى لحقوق الإنسان لازم يتغير فورا لأنهم بيتعاملوا مع أمريكا"، مضيفا: "جورج إسحاق، وناصر أمين، وجمال عيد والأشكال دى كلها برة.. عايز تنتقد رئيس جمهوريتك انتقد يا حبيبى بس فى بلدك من غير ما تقبض من برة".

وتابع رئيس لجنة حقوق الإنسان بالبرلمان حديثه: "أنا الوحيد اللى انتقد حسنى مبارك، واعتقلنى 3 مرات، والوحيد اللى انتقد مرسى وعدلى منصور والسيسى، وهما موجودين فى مناصبهم".

وأكد مرتضى منصور، أن قانون التظاهر لم يعرض على مجلس النواب، نظرا لصدوره قبل الدستور، الذى ينص على نفاذ أى قانون يصدر قبل صدوره.


لا توجد تعليقات على الخبر

اضف تعليق

الأكثر قراءة



print