السبت، 23 يناير 2021 07:47 ص
السبت، 23 يناير 2021 07:47 ص

نائب: السياح بيشتكوا من التحرش.. وآخر يرد: "موجود فى كل مكان وبلاش نصدق الإعلام الغربى"

نائب: السياح بيشتكوا من التحرش.. وآخر يرد: "موجود فى كل مكان وبلاش نصدق الإعلام الغربى" اجتماع لجنة السياحة بالبرلمان
الأحد، 13 نوفمبر 2016 02:17 م
كتب محمد مجدى السيسى
قال محمد عبد المقصود، وكيل لجنة السياحة والطيران المدنى بالبرلمان، إن تقارير نُشرت فى صحف إنجليزية، يتضمن شهادات لسياح زاروا مصر، موضحاً: "بيشتكوا إن الناس بتشدهم وبتدخلهم المحلات، وبيساعدوهم علشان يقيسوا الحاجات، والكلام واضح جداً عن التحرش".

وأضاف "عبد المقصود" خلال كلمته فى اجتماع مشترك للجنتى السياحة والإعلام لنقاش حول الزيارة المشتركة لمنطقة الأهرامات: "صورتنا برا وحشة، والإعلام بينقل الصورة مش بيخترعها، مش هننكر إن فى تحرش".

فتحفظ النائب محمد شعبان على حديث "عبد المقصود"، قائلاً: "التحرش موجود فى كل مكان، مش هى دى اللى هتشغل السياحة، فى الخارج هناك تحرش وعنف، بالفعل هى حالة مرضية يجب أن نتصدى لها ونوقفها لكن مش هى دى اللى موقفة السياحة عن مصر"، مشدداً فى رسالة للنواب: "لا تصدقوا الإعلام الغربى".

وطالب النائب محمد عبده، بدعوة الصحفيين الذين كتبوا تلك التقارير إلى اللجنة، قائلاً: " لازم نورى اللى كتبوا هذا الكلام، سواء عن قصد أو غير قصد ما هى مصر الحقيقية، ونجندهم لصالحنا".

هنا رد النائب محمد عبد القصود، وكيل اللجنة على حديث "شعبان": " الناس مش مركزة معانا زى ما احنا متوقعين، المقال كان على عدد كبير من الدول الغربية، وموضوع التحرش اتنقل وعن حق، الصورة دى متاخدة عننا".

وأنهى إبراهيم حمودة وكيل لجنة السياحة النقاش، قائلاً: "مفيش شك إن أى حاجه صغيرة بتأثر، ولازم نغلظ العقوبة على الجرائم ضد السياح، لأن دا اقتصاد قومى".


لا توجد تعليقات على الخبر

اضف تعليق

print