يا للى أحزانكم خسارة
ويا للى أفراحكم سيجارة
تجروا جرى تولعوها
بكام مظاهرة
وسط شارع وللا حارة
اصحوا فوقوا
البراءة مش شطارة
.................
يبقى ليه مقسومين
بين سعادة وانكسار
لا هى جنة وللا نار
وللا حرب
الهزيمة فيها عار
ميت خسارة فى البراءة
واعدموه أغلى انتصار
..............
البراءة لما هنبص لحياتنا
والشعار
الحياة عاوزة العمل
والأمل مخنوق حصار
مهما نتكلم فى ماضى
الطريق هيتوه بعيد
وكل حى
يعيش حياته فى احتضار
عمرنا مربوط بقاضى
ومحكمة ف ساحة انتظار
................
البراءة على الورق
مهما نتخانق عليها
عمرنا ما هنتفق
البراءة أهم حاجة
يوم الحساب
عند ربى اللى خلق
صورة أرشيفية
