إثبات شخصية
يعنى الهوية
الاسم.. مصرى
الهَم.. حصرى
فصيلة الدم.. ما أعرفهاش
تشوفها أنت فى أى ميدان
أو على الحدود فى رمضان
الطبع.. حامى
وساعات لنفسى أكون محامى
شقيان وعايش
وبعينى شايف نفسى الحرامى
يسرق فى قوته.. كاتم فى صوته
عايشين عصابة.. قصروخرابة
وفى يوم وليلة تتحول بلدنا غابة
وعلى قُوتى بأتسابق
وأزق وأتخانق
مع إنناعارفين.. ربك هو الرازق
خُلقنا ضيق.. وسلاحنا فى أيدينا
يا إما فى لسانا
وبكرة هايكون أيه
لو ما أتصلح حالنا
لا بنوصل فى يوم أرحام
وبنعق أباوينا
وأولما عودنا بيكبر
يموت الضميرفينا
وبننسى أهالينا
ونفكرفى نفسينا
وكفاية بقى شعارات
وكلام ولا التزامات
زى مايكون فيلم
أو قصة مرسومة
ما هى كانت فى الأساس نومة
زى اللى يغمى عليه
بنشممه بصلة
ما هى برضوامش موجودة
بنديله ثومة
ويفيد بأيه الندم
زى ما قالت الست
وكان اسمها سومة
![محمد حامد حسين يكتب: إثبات شخصية محمد حامد حسين يكتب: إثبات شخصية](https://img.youm7.com/large/small9200827105528.jpg)
مشاركة
اضف تعليقاً واقرأ تعليقات القراء
مشاركة