ياسمين رئيس تشتكى من سوء التنظيم وارتباك أمن الأوبرا

أبدت النجمة ياسمين رئيس غصبها مما حدث أمس، من سوء تنظيم أثناء عرض فيلمها "من ضهر راجل" بالمسرح الكبير بدار الأوبرا المصرية.

وكتبت ياسمين على صفحتها بموقع فيس بوك، "حضرت العرض الأول لفيلم من ضهر راجل فى القاهرة السينمائى، وللأسف كان من الصعب عليا أنا وأبطال الفيلم دخول قاعة المسرح الكبير فى الأوبرا قبل بداية عرض الفيلم بوقت كافٍ بسبب الزحام الشديد والسلوك العام من الكل، بالنسبة للزحام فده شىء يسعدنى لأن الناس حريصة على أنها تشوف فيلمى، لكن القاعة عدد كراسيها محدود، والدخول بأسبقية الحضور زى ما كلنا عارفين، فكان المفروض الباب يتقفل لما القاعة تتملى بالكامل، لكن الأمن تعامل بارتباك مع الموقف والجمهور كان مستمرا فى دخول القاعة رغم أن مفيش أماكن جوا، ده غير بعض الصحافيين اللى كانوا بيطلبوا فى وقت وظرف زى ده تصريحات نارية ضد الموقف مش أكتر عشان سبق صحفى مزيف أو أى فرقعة إعلامية، أتمنى أن الجمهور والصحافيين والقائمين على تنظيم مهرجان القاهرة إنهم يتعاونون مع بعض ومايخلوش فيه فرصة لتكرار ده تانى.