هى عجبانى
ريدها وريدانى
عشت فيها كتير أنانى
شفت فيها حاجات مش عجبانى
أشتكى مضايقانى
وأروح لغيرها مش سيبانى
أرجع لها مش نسيانى
أكلمها سمعانى
أقسى عليها عذرانى
أقول أبعد أحن لها من تانى
أهجرها ألاقيها عايزانى
أصلها ساكنة فى كيانى
وعقلى ووجدانى
ملامحها سحرانى
فى أسمها عنوانى
كل اللغات حتى التايوانى
عشقوا جمالها الربانى
فيها أجمل معانى
عشت فيها زمانى
أهلى وناسى وجيرانى
وطفل فرحنى وبكانى
وعروسة لابسة توب أبيضـانى
عشقتها وعشقانى
وابن البلد الأسوانى
القاهرى والإسكندرانى
غنوا ليها أحلى الأغانى
نفسى أحس بحنانك ثوانى
وأرسمك بأجمل ألوانى
أحلف لو كان فين مكانى
على طول وحشانى
أهديك كل الأمانى
لا تتعبى ولا تعانى
يا أجمل وردة فى بستانى
أرويك من فيض حنانى
وأرجع أخدك بين أحضانى
أصلك عجبانى
وريدك وريدانى
عاشقين - أرشيفية
