ودشن رواد موقع التواصل الاجتماعى تويتر هاشتاج " ذكرياتى_فى_30_يونيو " يسرد فيه كل شخص ذكرى له حدثت فى يوم ثورة 30 يونيو، وكان أغلب ما تم تناوله هو فرحة المصريين بإزاحة حكم الإخوان ومشاركتهم فى المظاهرات التى خرجت فى هذا اليوم.
وذكرت مغردة أنه فى يوم 30 يونيو كانت فى حالة من الحيرة بسبب رغبتها فى النزول بالرغم من مرض والدتها إلا أنها فوجئت بها تنزل معها الميدان قائلة "أنا اليوم ده كنت حاملة هم نزول ماما معايا وهية تعبانة لاقيتها هية اللى بتشدنى نزلت معايا يوم 27 ويوم 30 يوم 3_7 "، وقال آخر أنه تشاجر مع والده من أجل النزول، قائلا "اتخانقت مع أبويا عشان أنزل وحلفنى بولادى منزلش قولتله وحياتهم لازم أنزل عشان خاطرهم ومكانش فارق معايا هرجع ولا لأ".
وذكرت فتاة كانت خارج مصر يوم ثورة 30 يونيو أنها بكت عندما رأت نزول المصريين بأعداد كبيرة لخلع الإخوان من الحكم، قائلة "كنت برة مصر وهتجنن نفسى أرجع وفاتحة تويتر 24 ساعة وخايفة إن الناس ما تنزلش وعيطت لما شفت صور الأعداد اللى ملت الشوارع"، فيما عبر مغرد آخر عن سعادته بهذا اليوم وعن حبه الشديد لمصر رغم الصعاب التى تواجهها قائلا "معشتش فرحة فى الـ 30 سنة اللى عشتهم زى فرحة اليوم ده بلا مبالغة .. يا أخى إحنا بنحب مصر أوى حتى وإحنا بنلعنها".
وعبر أحد رواد تويتر خلال تغريدته عن شكره لأهالى مدينة نصر الذين ساندوا المتظاهرين أمام قصر الاتحادية، يوم الثورة قائلا "كنت فى الاتحادية والمدد بييجى من كل مكان تحية لأهالى مدينة نصر اللى تحدوا إرهاب الربعاوية ونزلوا يشاركوا فى الاتحاديه"، وأبدى آخر استغرابه من نزول أهالى مدينة الغردقة فى مظاهرات 30 يونيو قائلا "عمرى ما أنسى لما كنت فى الغردقة رايح الشغل ألاقى الغردقة فيها مظاهرات ودى أول مرة الغردقة تطلع مظاهرات فى تاريخها".
وعبر أحد المشاركين فى ثورة 30 يونيو عن دهشته من أعداد المشاركين فى المظاهرات الرافضة لحكم الإخوان قائلا "لما شوفنا أعداد الناس فى الشارع كنا مش مصدقين .. مامتى كانت بتقولى الناس عاملة زى بحر بيزيد بشكل مش طبيعى وملوش آخر"، بينما ذكرت فتاة مصرية كانت بإسبانيا فى يوم الثورة أنها كانت فى حالة فرح شديد أثناء احتفالات المصريين بإسبانيا بنجاح الثورة قائلة"كنت بزغرد فى الرامبلا ستريت وبنحتفل مع المصريين فى إسبانيا واإفسبان كانوا فرحانين بينا وهيصوا معانا".
