"الموس" و"اللبس الفضفاض" أغرب طرق الفتيات لتجنب وقائع التحرش بالعيد

تستعد الفتيات لقضاء عطلة العيد فى أواجء خاصة تتلائم مع ارتفاع ظاهرة التحرش التى أصبحت سمة معظم المناسبات والأعياد الرسمية فى مصر، حيث كشفت بعض الفتيات عن استعانتهن ببعض أدوات الدفاع عن النفس مثل الصاعق الكهرباء والموس أو الاسبراى للتصدى لوقائع التحرش التى تقع لمعظمهن خلال التنزه بالأماكن العامة.

وفى استطلاع رأى أجراه "اليوم السابع" صباح اليوم بالحديقة الدولية بحى مدينة نصر حول مدى استعداد الفتيات والبنات لقضاء أول أيام العيد، قالت "غرام هانى" وتبلغ من العمر 13 عاما: "أنا متعود كل عيد الموس يبقى معايا فى الشنطة عشان قبل كده اتعرضت لحادثة تحرش ومن وقتها مش بطمن ولا بتفسح براحتى من غير مايكون معايا حاجة أدافع بيها عن نفسى"، أما سارة هانى "- 19 عاما ، أكدت أن الوسيلة الوحيدة لعدم جذب المتحرشين إليها تكون عن طريق ارتداء الملابس الواسعة خاصة فى أول أيام العيد، حيث ترى أن زى الفتاة أهم العوامل للتحرش بها ومضايقتها .

بينما تختلف وسيلة زينب خريجة الدبلوم الفنى للتصدى لأى مضايقة تتعرض إليها حيث تؤكد: "السكوت هو أسلم حل للبنت عشان تهرب من معاكسات الشباب ومتخليش حد يتعرض لها لأن البنت لما ببتكلم وبترد على الشاب بيعرف إنها عاوزة تجر معاه كلام وبالتالى بيخلى الشاب يزيد وايده تطول عليها"، وترى "هدى يحيى عثمان": الميكاج هو اللى بيلفت أى شاب للبنت لو البنت احترمت نفسها وحطت مكياج قليل محدش هيعاكسها" .

وتخلتف معها إيمان، 18 عاما، قائلة "مفيش فايدة لا لبس ولا مكياج ولا أى حاجة الشاب مبيفرقش معاه حاجة حتى لو منقبة هيتحرش بيها ".