ليه نعيش فى جراح نبكى على اللى راح
ونعيش فى وجع وألم وجوانا فيه صرخة ندم
ليه نبكى على اللى فاتنا قصادنا لسه كتير فى حياتنا
نعيش الحياة على الذكرى واحنا نقدر نعيش بكرة
محتاجين نصبر على أحلامنا نؤمن بيها دى هى أمالنا
نقدر نمشى الف سكة بكرة نلاقى سكة سالكة
ولو المشوار صعب وطويل خلى ايمانك هو الدليل
خلى الصبر ليك صديق خليه رفيقك فى وقت الضيق
تقدر تمشى فى وسط الزحام ولأى مشاكل لا استسلام
طول ما قلبك عايش فى سلام هتكون بصير فى وسط الظلام
ولو فى الطريق علامة استفهام أسال أعرف والى الامام
ياما غيرك علماء عِظَامِ ليهم منا كل احترام
أتحدوا كتير الآلام وكان قوتهم فى الاحلام
أسعى أشقى لحلمك ثابر أتعلم ولا تتكابر
عيش الحياة على أرض الواقع خلى الحلم هو الدافع
خليك بسيط ولا تعيش حويط
عيشها بكل بساطة مش محتاجة اى وساطة
ممكن تغلط كذا مرة تتعلم من الغلط ألف مرة
عيش اللحظة ولا تعيش كل حياتك فى أحلام يقظة
خلى عندك ثقة فى نفسك ولا يتغلب عليك يأسك
خلى تملى عندك يقين حلمك يبقى حقيقة فى غمضة عين
خلى أملك فى الله والخير راح تلقاه
شخص سعيد - أرشيفية
