راشق ضوافره
الخوف فى ملامحك
وإعادة ترتيب أفكارنا
مرهونة بوقف الكواكب
على طراطيف صوابعها
وتحريك الزمن خطوتين
قدام
تلويحك المنظم
للطيارات الورق
حشى تحت لحمك
قش
ولم عليك كل خيوط
العناكب
انت شايفنى إزاى
بعد اختفاء غابات
الكاكاو
وجوز الهند
والبندق
والنحل
إزاى شايفنى؟
إنت عينيك شايفة عينيك
والمسافة بين إيدك اليمين
والشمال
هواجس مراهقة
وحبو هلاوس عنيفة
شايفنى إنت إزاى؟
وسط أصوات
الأزرق
والبرتقالى
والأسود
دايما
إبدأ من هنا
أنا
وأنتهى زى الشموع
المرعبة
لحظة عتم
تتخيلك إيه؟
وأنت من حواليك
أشكال كتير
ووشوش
ودموع بتمشى على الحيطان
ترسم خرايط مدهشة
شفت الوحدة
شفت إزاى؟
النصل اللامع لامس ضهرك
موضوعات متعلقة..
الاتحاد العالمى للشعراء يطلق مبادرة أطول قصيدة بكل اللغات
