وقد دخل اليوم السابع إلى واحدة من أصعب اللحظات التى تعيشها الفتيات وسألهن عن أول كلمة تقال بعد النزول من على الميزان.
وقالت نورهان جمال 27 سنة "انا بكره الميزان واللحظة دى بشكل غريب، ودايماً بحاول أوهم نفسى إنه بايظ، بدل ما انتحر، و أضافت أول ما بطلع على الميزان بسكت شوية و انزل أقول لأ يا ماما الميزان ده أكيد فيه حاجة غلط، رغم غنى ببقى عارفة إنه مظبوط بس لازم أصبر نفسى".
و أضافت ليلى أحمد 22 سنة "اللحظة الأسود فى التاريخ هى لحظة متابعة سهم الميزان، وهو عمال يزود فى الوزن، و أول كلمة بقولها يارب الميزان ده يولع، أو أخس بقى يارب"، و أشارت ليلى إلى أن فكرة الميزان والدايت تعتبر مشكلة كارثية عند كل البنات و أضافت "ولا اللى عاوزة تتخن راضية، ولا اللى عاوزة تخس راضية".
أما منى محمد 25 سنة فتقول "انا هبدأ دايت من بكرة..دى أول كلمة بقولها اول ما بنزل من على الميزان، بس المشكلة إنى بكون أصلاً عاملة دايت وبرضه مش بخس، ولو مش ماشية على الدايت بقول نفس الجملة و أنزل أجرى ساعة، لأنى ببقى محتاجة أخرج غضبى فى أى حاجة".
وتقول شيماء محمود 33 سنة "يارب الدايت يموت..دى أول كملة بقولها يعد ما بوزن نفسى، لأن فى العادة بلاقى نفسى مثلاً خسيت نصف كيلو، و أنا بقالى أسبوع مباكلش، طب هفضل كدة لحد امتى"، و أضافت " ساعات كتاير بقول الجملة دى وبفضل أكل كتير جداً، لأنى بكون زهقت".
وتقول مى عبد الوهاب 21 سنة أول كملة بقولها"خلاص بقى النهاردة فرى ومن بكرة هبدأ بجد بقى"، و أكدت مى أن هذه اللحظة تتسبب فى الإحباط لـ أكثر من 80% من الفتيات، و أشارت إلى إنها تتأثر جداً بعد وزن الجسم ، و أضافت "ماما بتقولى انا بكره اليوم اللى بتوزنى نفسك فيه عشان النكد اللى بنفضل فيه طول اليوم".
موضوعات متعلقة:
وصفات لزيادة الوزن .. 5 أطعمة هامة لعلاج النحافة
