المصريون يتفاعلون مع تدوينة السفير البريطانى:"دمه خفيف وزى السكر "

تفاعل عدد من رواد مواقع التواصل الاجتماعى مع السفير البريطانى لدى القاهرة جون كاسن، بعد مداعبته للطالب المصرى يوسف أنيس، الذى كرمه مجلس اللوردات البريطانى بعد حصوله على المركز الأول فى مسابقة science award، والذى قال عنه إن "الزهر لعب معاه".

وتوالت التعليقات على طريقة "كاسن" الذى قال عنها المغردين إنها مصرية خالصة، وذلك على صفحته على "فيس بوك" أو من خلال الهاشتاج الذى دُشِّنَ واحتل المرتبة السادسة على قائمة ترند تويتر.

وقال رشدى: "أنت من بريطانيا البلد ولا بريطانيا المحطة يا بلدينا؟"، وقال عبد الخالق: "السفير البريطانى عرف الزهر خلاص، شوية شوية هينزل ياكل فول بالزيت الحار من على العربية ويشد حجرين قص فى الحسين".

أما محمد طارق فقال: "الله، الراجل قعد معانا شوية بقى بيحب الفول وبيسمع أغانى شعبى وبيتفرج على أفلام السبكى، اسم الله علينا شعب ينطق الحجر" وقال جيمى: "السفير ده جامد أقسم بالله، ده بيعزم اللى شغالين فى السفارة على عربيات فول" بينما قالت آية جمال: "الزهر لعب؟ دا جون كاسن ولا جون شيبة".

وقالت عبير هادى: "يا ريت الأدمن يبلغ السفير إن دمه زى السكر، وإنه لو كان المندوب السامى البريطانى أيام الاحتلال بيحب مصر ومتفاعل معانا ودمه خفيف كده، ماكنتش قامت ثورة أصلا، ده أنت عارف مصر أكتر من الوزراء، منور مصر يا معلم" بينما قال أحمد مرسى: "مش مهم الطالب المصرى اتكرم، ده عادى، أنا اللى فاقعنى السفير جاب حكاية الزهر لعب دى منين"، وقال عبد الله: "أنت أحسن سفير اشتغل فى مصر، برافو عليك، عندك تواصل عالى جدا".

موضوعات متعلقة..

- سفير بريطانيا للمصرى يوسف أنيس بعد تكريمه من مجلس اللوردات: الزهر لعب معاه