كل ما بتبعد
كل أنا ما أقرب
بأقولك متحاولش
طب أقولك
شوف مين فينا
اللى ها يغلب
دا حبى ليك
حب صافى
مالوشى نهاية
ولا له حد
علشان نابع ياحبيبى
من عمق القلب
شوف مين فينا
اللى ها يغلب
قد ايه انا متأكد
من أنى ها أحصلك
وأفوز بالقلب
متحاولش
ح يجى عليك الوقت
وتعترف بحبى
وعينى تنام
من بعد طول السهد
وها تعرف وقتها
انك. قد ايه ظلمتنى
لما أحصلك وتعترفلى
بهزيمة قلبك قدام قلبى
اللى ما فكر يوم
انه يغشك
لانه صبح حتة منك
طب اسمع دقاته لما تقولك
انا وانت عايشين بيها
ولا نقدر فى يوم
ننكر معانيها
![نشـأت رشدى منصور يكتب: متحاولش نشـأت رشدى منصور يكتب: متحاولش](https://img.youm7.com/large/s6201418103839.jpg)
مشاركة
اضف تعليقاً واقرأ تعليقات القراء
مشاركة