دافع إبراهيم سعيد، مدرب نادى جولدى، عن اللاعب صالح جمعة، نجم النادى الأهلى، والذى قررت إدارة النادى التحقيق معه، بعد تداول صور له يظهر فيها متواجدًا فى أحد النوادى الليلية.
وكتب إبراهيم سعيد سلسلة من التغريدات، دافع خلالها عن نجم فريقه الأسبق، وعلق قائلاً: "بيتم التحقيق وعايزين يمشوا صالح جمعة عشان كان سهران، كل لاعبى العالم بتسهر وتخرج أهم حاجة الأداء فى شغله حياته الشخصيه هو حر فيها".
وأضاف إبراهيم سعيد، موجهًا رسالته لإدارة الأهلى: "ياريت تسيبكم بقى من جو يشرب كوبايه لبن وينام بدرى قديم فشخ أقسم بالله كل لاعبى كرة القدم فى العالم بيهلسوا وبيخرجوا".
وتابع: "العالم كله بيتقدم وإحنا بنتكلم وعاملين قلق إن لاعب سهران، فكر عقيم أقسم بالله"، مضيفًا: "خلاص نزود بند فى عقد اللاعب اشرب اللبن ونام بدرى".
وواصل مدرب جولدى، دفاعه عن صالح جمعة بقوله: "الحكم على اللاعب فى الملعب فقط خارج الملعب هو حر وبراحته، خلاص فى التحقيق خليه يمضى غقرار ويكون فى البيت الساعة 9 ونص ويشرب اللبن وينام، الواد بقى كبش فداء على إخفاقهم مش أكتر".
