ماتعيشنيش فى الوهم يا صاحبى ومتقوليش كلام معسول
لو بصحيح شايل همى تبقى أكيد عبيط مخبول
دا الكل يالا نفسى الفايق والمسطول
شوفت ده بنفسى وانا فى الدنيا بادور
محدش همه حد ولا بيخاف عليه
صدقنى باتكلم جد ولو انى مش فاهم ليه ؟
علمونى أبويا وأمى الطيبة من زمان
علمونى الشهامة والرجولة وما أكونش فى يوم جبان
علمونى حب الخير علمونى أكون أنسان
آخد بأيد الفقير أساعد الغلبان
يا ترى علمونى صح ولا أى كلام ؟
محتار أكمل أزاى ؟ زى ما اتعلمت والا اعيش ثعبان؟
يا ترى متشال لى ايه فى بقيت طريقى الجاى
هأقدر أعيش زيهم، ولا بضميرى الحى ؟
