لا أنا مكسور
ولا زعلان ولا ندمان
إنتى اخترتى تبعدى عني
وبعدك قبل ما تبعدى كان
مش مطلوب منك تستني
شكلك باين م العنوان
وأدى الباب مفتوح قدامك
خطى برجلك وامشى قوام
وإن كان على حبك ومكانك
بكرا يروحوا مع الأيام
وأنا قبلك حبيت 100 مرة
ولا مرة على حد بكيت
وانتى فتحتى حوار كام مرة
شوفتى ف مرة حكيت
شوفتى ف مره عملت ضحية
وجريت على حضنك وشكيت
لغة الصمت الساكن فيا
أحسن م اللوم والحواديت
شدى سنين الماضى وروحى
قدامك 100 الف طريق
وإبقى إفتكرى طريقى ونوحى
وضيفى ف بحرك غيرى غريق
لا انا مكسور
ولا زعلان ولا ندمان
إنتى إخترتى تبعدى عنى
وبعدك قبل ما تبعدى كان
