الحب أرشيفية
مشاركة
كأى اتنين أنا وأنت
على ضفة أمل مهجور
بنتلاقى ف سطرين حزن
نصدق يأسنا المغرور
فتكتبنى حروف دايخة
ساعات حلوة ..كتير بايخة
واصدق أن أنا هي..
واكملها واعيش الدور
واعصر من سهر عينى
قصيدة حب حيرانة
واصب كاساتها من هجرك
وافتح للدموع حانة
واقضى الليل انا والحزن
إمام عاشق ف سكرانة
أفوق منك بطلعة فجر
وانسى أن انت كنت الخمر
وانسى أن الغرام عبدك
وكان قلبى ف هواك مأمور
مشاركة
