تعبيرية عن الفراق
مشاركة
وفى كل مرة بلم شنطى
بطبق منى حتة بتنده مش عاوزه امشي
اطبقها وادخلها دولاب ضلمة
ساعات تصرخ اقلها مينفعشي
مشينا طريق ها نصبر على تعبه
بدل ما نبقى رقصنا فوق بساتينه
جرحنا شوكه وجه وقت حصاد زرعه منلحقشى
هيه الحكاية كده بعد ما تلف ضهرك
وتقول خلاص تلاقيها مخلصتشى
متربطة حكايات هناك بحكايات هنا
غزلت توب مرقع من روايات دايما متكملشي
بين هنا و هناك
وبين لقا وفراق
وبين حضن ينبت وردنا جواه
وحضن يطفى
بنكمل أو ما منكملشى
مشاركة
