مع بداية سن التلاتين هتلاقي في لحظة هتنام وتقوم تحس انك بقيت شخص تاني شخص مش هو تقريبا الشخص الجرىء اللي مش هامو حاجه .. مش الشخص الي ما بيفكرش في بكرا .. مش الشخص الي عايش حياتو بالطول و العرض .
هتلاقي نفسك حصل جواك هزه غريبه كده ومش مفهومه و مش مخططلها .
ذي بالظبط ما تكون كنت سايق علي ٢٠٠ كم/س و مره واحده دوست فرامل بكل عزمك.
عشان عايز تقف تراجع نفسك .. تشوف ال ٩ سنين الي من ساعت ما اتخرجت من الجامعه انت وصلت فيهم لفين ؟؟ عملت ايه ؟؟ نجحت فشلت و لا نص و نص و لو نص و نص فانت ناقصك ايه عشان تنجح !!
هتلاقي الهاتف الي كان جواك بأن نفسك تكبر اتعكس و ان نفسك تسمع في حياتك كلمه يلا هنعيد تاني و كلاكيت تاني مره.
ايوي نفسك في الفرصه دي قووي عشان ترجع تصحح خطوات غلط حصلت .. تصحح عناد خسرك في لحظه .. ترجع عشان تعمل صحاب اكتر في الجامعة وتقرب منهم اكتر عشان يبقي معاك قاعده صحاب مهما نقصو فمش هيخلصو ويجي عليك يوم ذي يوم فرحك ما تلاقيش حد جمبك و تحس انك لوحدك ..
اكيد مع بدايه السن دا بيحصلك هدوء شويه من السخونيه و العفرته الي كنت فيها .. و لكن فعلا فعلا بيحصلك اول سلمة ضعف .. السلمة دي بتفضل عليها لحد تقريبا سن ال ٣٧ او ٣٨ لو ما اخدتش فيتامين تطوير حياتك و تطوير نفسك و تغيير النمط اللي ما وصلكش لهدفك في التلاتين ..
في النهايه بتمني العمر يبقي فيه كلاكيت تاني مره و ان حد يشدني ٥ سنين ورا كمان مرة ..
بتمني اصالح كل اللي مشي زعلان مني في يوم و انا عاندت و سبتو و دلوقتي ما اعرفلوش عنوان .. هتمني استغل كل فرصة جاتلي وسبتها عشان كان عقلي متربس وقتها وما استحملتش قوه الفرصة.
عموما في النهايه مفيش عمر بيرجع ومفيش حاجه باظت بتتصلح .. الإصلاح الصح إانك تغير من سياستك في التعامل مع نفسك .
عشان كده يا ريت تحافظو علي وقتكو و تستغلوه صح عشان ما تندموش .
