يا أول بنت بِتحلّى
وتوهِب للحياة تفاصيل
جمال مكنون ملوش أصلاً
دليل فِ العلم والتفاسير
يا أبعد مِ الخيال بكتير
وأجمل م الجمال جداً
وأصدق من كتير مواعيد
يا أول بنت قدامها
بكون عيل ف يوم العيد
يا أكتر بنت مختلفه
وأجمل بنت خوافه
فيه ورد بيسرى فى خدودِك
ينبت غمزه متشافه..
يا أول روح تكون واضحة
وطاهره وخام وشفافة
أنا عاجز
وكُل كلامى مش قادر
يفسر فيكى فتفوته
جَمال العالم اتجمع
وبقا على شكل بنوتة
فيا كل الحاجات ديا
يا غنوة بقفلة مظبوطة
يا بنت جميلة حقيقية
ماهيش روايات وحدوتة
يا آخر ممكنات الكون
وأصل الحلو والمضمون
امانة توافقى لجل تكون ..
نهاية القصة محبوكة
الى البنت الى معايا
ف سكشنى وكليتى
