حرصت الإعلامية بسمة وهبة على توجيه التهنيئة إلى أصدقائها المسيحيين بمناسبة عيد الميلاد، وذلك من خلال فيديو نشرته عبر حسابها على "إنستجرام".
كذلك وجهت بسمة دعوة إلى جمهورها من المسلمين، بتهنئة أصدقائهم المسلمين فى مقاطع فيديو، وإرسال المقاطع لها لتعرضها فى برنامجها "كل يوم" على ON E.
وقالت وهبة: "كل سنة واخواتنا بخير وطيبين.. أنا رايحة دلوقتى أعيد على واحدة صاحبتى مسيحية وأقولها "كل سنة وانتى طيبة" .. وعاوزة كل واحد مسلم هيقول لكل واحد مسيحى "كل سنة وأنت طيب" يصورهالى فيديو ويبعتلى عاوزة انزلها فى حلقة بكرة .. ايه رأيكم .. علشان نقول لكل اللى بيفتى فى الدي ويقولك ماحدش يعيد على المسيحيين .. لا هنعيد عليهم"
وكانت بسمة وهبة وخالد أبو بكر قد بدءا أولى حلقات برنامجها "كل يوم"، على ON E، من بداية يناير الجارى.
ويناقش الإعلاميان خالد أبو بكروبسمة وهبة الرأى والرأى الآخر فى كافة القضايا، من خلال حلقات برنامج "كل يوم"، وفى الفيديو الدعائى، يتبادل الإعلاميان تقديم فكرة البرنامج، حيث يبدأ خالد أبو بكر التقديم تليه بسمة، ويقولان "هو دا اللى أنا هقوله.. أنا مش هقول الكلام ده وهقول اللى أنا عاوزاه.. محتاجين كلنا نسمع بعض.. والأهم نفهم بعض.. كل يوم هنقول اللى احنا عاوزينه.. كل يوم هنعرف إن الاختلاف مش ضعف.. كان زمان بيقولوا الرأى والرأى الآخر .. دلوقتى فى مليون رأى ومليون رأى آخر.. بس كل يوم هنسمعك وكل يوم هنكلمك.. كل هنناقش أفكارك وآرائك.. كل يوم احترام للحرية" .
يذكر أن الإعلامية بسمة وهبة، كانت قد خدعت جماعة الإخوان الإرهابية، ببث مقطع فيديو عبر السوشيال ميديا من لندن ، والذى تضمن انتقادات لوضع الحريات فى مصر، ولاقى رواجا كبيرا بين قنوات الجماعة، إلا أنه لم يكن سوى "برومو" لبرنامجها الجديد المقرر بثه على قناة " ON E" قريبا، ولم تكشف حينها عن تفاصيل البرنامج .
