رد الفنان عمر كمال على تصريحات الموسيقار هاني مهنا حول عدم دعوته وحسن شاكوك وحمو بيكا لحضور حفل زفاف ابنته هنادي على الفنان أحمد خالد صالح قائلا: مكالمة الموسيقار هاني مهنا أمس زعلتنى جدًا لما قال إنه عازم الفنان تامر حسني وحكيم ودول حاجة تشرف، يعنى إحنا مش حاجة تشرف إحنا الحمد لله بندخل أكبر فنادق في مصر وبنروح كل الدول العربية، وكل الشوارع في مصر عارفانا، إحنا ذوق وبيقول رايحيين عشان شهرة، ولو مروحناش يقولوا اتنكوا على أيه دول لسه سنة أولى نجومية دا إحنا روحنا قدرنا الناس.
وحول استقبال هنادي مهنا وأحمد خالد صالح لعمر كمال وشاكوش وبيكا في حفل الزفاف قال عمر كمال في تصريحات لتليفزيون اليوم السابع: "الاستقبال كان فوق الراس، وطلبوا التقاط صور معانا، دى حاجة تشرفنا، والعروسة والعريس وكل الناس كانوا فرحانين" طيب ليه تنكدوا علينا وتنكدوا عليهم، وتحطوا العروسة في موقف محرج.
