قال الإعلامى خالد الغندور، نجم النادى الزمالك السابق، إن مصطفى محمد لاعب طموح، قائلاً :" مصطفى محمد لاعب مش صغير عنده 23 سنة، جاله عرض من سانت إتيان الفرنسى، وهو طموحه يلعب فى الدورى الفرنسى، ولو اتعاقد النهاردة هيلعب فى يناير قدام باريس سان جيرمان، لكن هو مش طماع".
وأضاف الغندور فى ندوته بتلفزيون اليوم السابع، مصطفى محمد هداف الفريق الأولمبى، وهيلعب الألومبياد السنة القادمة، فالسعر الأفضل لبيع مصطفى محمد يحدده نادى الزمالك، مضيفاً:" مصطفى محمد زى رونالدو في ضربات الرأس وقد ميسى 9 آلاف مرة فى ضربات الرأس، وقد نيمار وإمبابى فى ضربات الرأس، وهما أفضل منه فى حاجات تانية، باتشيكوا قالى إنه مشافش مهاجم قوى زى مصطفى محمد".
وأكد الغندور، أن مصطفى محمد أفضل من أحمد بلال كمهاجم، مستطرداً:" كهربا كان عايز فلوس عشان كده راح الأهلى"، مؤكداً "أنا لو مكان رمضان مش هسيب الأهلى، مينفعش لاعيب فى الأهلى أو فى الزمالك يسيبه ويروح أى فريق فى مصر حتى لو الفلوس أكتر، وبيراميدز صعب ياخد دورى".
