مع بداية يوم مشرق وجميل قررت فيه قضاء مشوار للشهر العقارى المؤجل منذ فترة ومع الصباح الباكر بداية موعد فتح شبابيك الموظفين كل أوراقى مستوفية وجاهزة وملفى كامل وجدت امامى صوت وابتسامه منتصره من رجل يبدو جليس دائم وصديق لكل الموظفين (تحبى أخلصلك حاجتك وانتى قعده مكانك شكلك مش وش بهدله دول حبايبى هاتى ورقك هاتى ) وكان ردى؛ لا والله شكرا لحضرتك مش مستهله اصل انا ملفى كامل .. ومع بدايه لقائى مع موظفه الشباك المتعاليه دون سبب التى وجدت فى ملفى بعض الثنايات والتنيات وبعض الحروف الممسوحه التى تحتاج الى عدسه خبير فنى حتى يراها ليسجل اعتراضه ، الملف ده مش كامل وأثناء اندهاشى 😳(متعطلنيش يلا يامدام خدى جنب احنا لسه ع الصبح يفتاح ياعليم روحى للمدير لو مش عجبك) ومع تأكدى من استفاء اوراقى التى قضيت ايام وليالى فى اختامها وتجهزيها فوجئت بصوت خلفى (مغيرتيش رأيك هاتى يا مدام ورقك همشيكى علطول). رديت؛يا سيدى ملفى كامل شكرا ليك😒؛؛وذهبت لمكتب المدير اده فاضى ليه ؟وجانى الرد :لا مهو بيتأخر شويه!! ومع تأكدى انى ملفى كامل هستنى وخلاص شويه كمان 🤪مش مشكله ..وإذا بنفس الصوت😡 (مش هيعملك حاجه هخلصلك ورقك هاتى اريحلك)وفى داخلى صوت رافض للاستسلام وطلب مساعده ( المشهلاتى)اصل ملفى كامل😌 ومع وصول المدير وفرحتى بوصوله اكثر من ليله العيد اتفضل حضرتك الملف كامل عايز بس اختام وموظفه الشباك معطلانى ((الختم لازم من عندها مشى حالك معاها قللها انى قلتلك كده هتمشكى علطول))😳وعند عودتى لشباكها وجدت ازدحام شديد ومشادات على تنظيم الطابور ومع غلق شباك الموظفة فى وجه الجميع لاستيائها من تعنت الجمهور وشكوتها للمدير😏😏 اخذت ابحث عن الرجل المحترم عارض المساعدة عليه لاعتذر له عن تعطيله بملفى الكامل وسنينه 😅اتفضل ياباشا أنى اسف.
