صورة أرشيفية
مشاركة
كنست قلبى وفضيت مطارح
وزرعت وردة وفل طارح
قليت بأصلي وقلت أجرب
ورغم سني طلعت أقاوح
لشط قلبك دقوا المراسي
يا حلوة حبك يدوب مقاسي
ف الإيد مكبل
والعقل طبل
وبحب سجنك
داخله بمداسي
لا خد أحمر ولا عين بتسحر
هزوا في شعوري
وعنيا قالوا الواد ده قاسي
ساحراله يمكن
بحجاب معلق
في السدر نايم
أحلي التماسي
حاجزله مطرح!!
كل المطارح
إكنس ما تكنس
قاعد مربع والرمش جارح
مشاركة
