عمرو أديب: شركات البترول الأمريكية اتخرب بيتها.. واللى حصل مالوش علاقة بالسعر عندنا

علق الإعلامي عمرو أديب، على الشائعات التي تداولها البعض حول تغير أسعار البنزين في مصر، وقال: "مفيش أي علاقة بين اللي بيحصل في أمريكا وأسعار البنزين في مصر، لأن ده سوق وإحنا سوق تاني خالص، يا ريت الناس تفهم، العالم والخارطة الاقتصادية في العالم بتترنح الآن تماما، فأنا حبيت أوضحلكم اللي بيحصل عشان الناس تبقى فاهمة الموضوع".

وأضاف عمرو أديب خلال برنامج "الحكاية" الذي يذاع على قناة mbc مصر: "يا ريت ترامب يطلع النهاردة يقول للشركات الكبيرة بتاعت البترول في الولايات المتحدة الأمريكية اللي وعدها أنها مش هتخسر، يعرفهم مصير البترول اللي معاهم ده إيه، بكرة أخر معاد للعقود وأكيد الشركات دي هتبقى عاوزة تعويض عن الخسائر الفادحة اللي حصلتلها، خدوا بالكوا أمريكا في أزمة كبيرة وأظن هيطلع النهاردة هيتكلم كتير في الموضوع ده في خطاب رسمي".

وقال: "مؤشر الأسهم الأمريكية كان لحد قبل ما نشاهد الانخفاض ده في البترول كان مرتفع، لكن النهاردة كان في زلزال في الاقتصاد الأمريكي بسبب النفط والانهيار اللي حصل فيه، ولازم نعرض الفرق بين سعر برميل النفط هنا في المنطقة العربية والنفط الأمريكي، عشان الناس متقولش البترول رخص في العالم، يعني المقصود أن في سوق من الأسواق العالمية بتاعت البترول انهار تماماً.