حبيبتي يا غالية يا أم الرجال
يمر الزمان يزيدك جمال
قوامك طريق ما بين الجبال
بدايته حضارة تفوق الخيال
وآخرة تقدم رقى ازدهار
حبيبتي يا غالية يا أم الرجال
عيونك نيلية ونظرتها دلال
وبنظرة منك تخضر الرمال
خدودك بحار وهضاب وتلال
وقلبك بينبض بحب وحنان
وايديكى بتغزل رجال ابطال
يلتفوا حواليكى اجيال ورا اجيال
واقفين اسود يحموكى بنضال
وال يحاول يمس ضفايرك
بيكون مصيره المحتوم بالزوال
حبيبتي يا غالية يا أم الرجال
شايله همومك جواكى وصابرة
وراسمه ابتسامتك ووافقه وشامخة
وفاتحة درعاتك لقريب بعيد
وعمرك ما قلتى مفيش ومش قادرة
حبيبتي يا مصر يا ساكنة فى كيانى
فى حضنك امان وراحتى ومكانى
مهما يكون مش هاقلق عليكى
لان ربى محافظ عليكى
