مصور قطار المنصورة يروى لـ"90 دقيقة" كواليس الواقعة

قال المهندس شادي محمود بلال، مصور فيديو واقعة تعدى كمسرى قطار المنصورة على مجند، إنه لا يعرف السيدة صفية ولا المجند، وإن ما حدث هو أنه خلال جلوسه في القطار تحدث المحصل مع المجند، وقال المحصل: "أنا هتصرف"، فقلت له إن وزير النقل أصدر قرارا بإعفاء المجندين من دفع التذاكر، فرد رد غريب وقال: "سيبك من الكلام ده".

وأضاف، خلال مداخلة مع الإعلامي معتز الدمرداش ببرنامج 90 دقيقة الذي يذاع على قناة المحور: "فوجئت برئيس القطار بيفوت الكراسي اللي ورا ومتوجه ناحية المجند اللي كان هادي جدا، ولقيت رئيس القطر بيقوله طلعلي التذكرة، فمحدش اتدخل، ففوجئت بيه بيقوله اقلعلي الكمامة عشان أشوفك، في اللحظة دي حسيت أن الموضوع هيبقى فيه حاجة، وبعدها لقيت رئيس القطر بيقوله يا هتدفع يا هسلمك للشرطة العسكرية".

وقال: "حصل حاجة غريبة، رئيس القطر قال للمجند، قوم تعالي متخليش الأفيونة تطلع عليك، وشدوا من البدلة العسكرية بتاعته، ولقيته بيتريق على المجند بيقوله وقعلي النجوم اللي فوق كتفك دي، أنا خوفت أتدخل علشان ميكونش تعدى على موظف أثناء تأدية عمله، وكنت مقرر أني هبعت الفيديو لرئاسة الجمهورية".