قال أمير عشماى صاحب محل مخبوزات لـ"اليوم السابع"، شغل المخبوزات شغلتى في الأساسا واقترحت على زوجتى تقف معايا ووافقت، وبنبدأ يومنا، زوجتى تشترى حاجات من السوق الصبح وترجع البيت تعمل أكل البيت للأولاد وبعدين ترجع تانى تشتغل معايا ".
وأضاف قائلًا: "أنا حابب أقولها بحبك ومأقدرش أستغنى عنك وهى دراعى اليمين في الشغل".
فيما قالت أم حبيبة لـ"اليوم السابع"، أنا بقف مع زوجى وبخبز واتعلمت الشغل من زوجى وبحب أقف معاه علشان أساعده، واتعلمت من الوقفة في الشارع الصبر وتحمل أى صعاب وإنى أقدر اواجه المواقف ".
وعن بدايتها في العمل مع زوجها قالت: "أول مرة نزلت أشتغل فيها كنت خايفة ومستغربة وبعدين خدت على الشغل وهى شغلانة صعبة والمجهود صعب ووقفة الفرن صعبة ".
واختتمت حديثها موضحة الأصناف التي يتم صناعتها داخل المخبز: "بنعمل عيش كيزر وباتيه بالجبنة وفينو وفطير وقرص مختلفة الأطعمة ".
