وكشف الإعلامي رامي رضوان فى برنامجه أمس على dmc، أن الفنانة دلال عبد العزيز تهتم بأمور خيرية تخص الغير حتى أثناء فترة مرضها الحالية، وقال: "قبل ما أتكلم عن الحالة الصحية، أتكلم عن الحالة الخاصة للغير. كم الحنية والحب والدفء والتواضع ومساعدة الغريب والقريب، نفس المدرسة دي مدرسة حماتي العزيزة".
وتابع رامى خلال البرنامج: "حبيبتي لحد دلوقتى وهي في لحظة مرض وتعب بتفكر في مين محتاج إيه، ابعتوا كذا لفلان أو علان، ومرتب مش عارف مين، هي دايما بتفكر في الناس، وفي مين ممكن يكون دلوقت لازم نكون واقفين جنبه".
وأضاف رضوان: "فصلنا التليفزيون فى المستشفى وبدأنا نجيب حاجات مسجلة وسحبنا التليفون منذ اليوم الأول، وبالفعل نعيش لحظة ضغط شديدة، ويوم الوفاة ربنا ألهمنا بسيناريو، كل واحد موجود فين والحمد الله لحد النهاردة هى ما تعرفش ولكن القلب بيحس وإحساسنا الشخصى بيقول إنها شعرت بما يدور حولها لكنه شعور غير مؤكد".
واستكمل حديثه: "بنلبس لبس ملون عشان متعرفش حاجة، والفنانة أجريت مسحة مرتين والنتيجة سلبية لكورونا ولكن لم يحدث تعافى بشكل كامل وهى حاليا فى مرحلة أعراض ما بعد كورونا، وهى أعراض شديدة وملهاش علاج معين، وبندعى الله تعالى بتمام شفائها.. والحالة صعبة وأرجوكم تستمروا فى الدعاء ليها بكل ما اسعدوكم".
