قالت الإعلامية أميرة بهى الدين: النهارده شوفنا أمام الرئيس السيسي مجموعة من أجمل الأصوات المصرية اللي خدوا الفرصة دي لأنهم اشتركوا في "الدوم".
وأشادت خلال خلقة اليوم من برنامج افتح باب قلبك بمسابقة الشركة المتحدة لانتقاء المطربين والممثليين والإعلاميين وأنها قدمت جزءا آخر من الحلم.
وتابعت: المتحدة والدوم قالت هننزل محافظة محافظة وعملت اختبارات ولجان ومسابقة وقدمت فرصة لشباب لتحويل الخلم لحقيقة والجمهورية الجديدة بتقول لشبابنا الحلم هيبقى حقيقة وهيبقى واقع ، وانا كنت مبسوطة جدا بكل المواهب اللى سمعتها وكنت بعيط رغم ان الأغانى اللى قدموها كانت مبهجة ، ولكن كنت متأثر جدا بكل اللى شوفته وكنت مبسوطة بكورال جامعة المنصورة وكل المواهب اللى غنت قدام الرئيس السيسي ، وطلعت بأمل ان بكرة هيبق عندنا ألف وألف صوت .
وأكملت جيلي وأجيال كتيرة كان أقصى أحلامنا كوبري ينقلنا من شارع زحمة لغيره.. والأجيال دي عارفة ومقدرة معنى الإنجاز اللي بيحصل في البلد حاليًا وكنا عايشين ما عندناش أمل في الحلم لان الحلم يحتاج إلى إرادة وقرار سياسى، كان حلمنا كوبرى ينقلنا من شارع إلى آخر أو مشروع إسكان 3 أو 4 عمارات ناخد فيه شقة المنصورة الجديدة فخر جديد في طريق التنمية.
واشرت إلى أن "المنصورة الجديدة" مش مجرد مشروع إسكاني لكنها من مدن الجيل الرابع وتتوافر بها جميع الخدمات والمرافق.
وناشدت المواطنين بمشاهدة الإنجازات ومشروع المنصورة الجديدة ، مشيرة إلى ان مصر تبنى مستقبلا وتعمر وشمسها تعود لتنير للمصريين الغد.
وعرضت خلال الحلقة تقريرا عن المنصورة الجديدة تحت عنوان " المنصورة الجديدة .. فخر جديد في طريق التنمية".
