فى حلقة جديدة من برنامج "ع الرايق" حلت الفنانة ألفت عمر ضيفة على البرنامج مع الزميلة سارة صلاح، والمعروض على تليفزيون "اليوم السابع"، وخلال الحلقة أجابت على مجموعة من الأسئلة بشكل كوميدى ومنها أول قصة حب في حياتها وأكتر موقف محرج تعرضت له وأول مبلغ حصلت عليه من التمثيل.
وقالت ألفت عمر،:" أكتر موقف محرج حصل ليا كنت بصور في مسلسل السيرة ومستعجلين جدا وعاوزنى أبدل بسرعة عشان المشهد التانى وخلاص جاهزة و نازله على السلم الفستان اتقطع و اللوكشين كله عرف و فضلنا واقفين لحد ما الفستان اتصلح بس كان أكتر موقف محرج"، وعن أول مبلغ حصلت عليه من التمثيل ردت ضاحكة:"مفتكرش لأنه كان بيضحك و كان مبلغ قليل جدا".
كما تحدثت ألفت، عن نصيحة وجهتها لها النجمة يسرا أثناء تصوير مسلسل قضية رأى عام، قائلة:" يسرا مدرسة من غير ما اتكلم وعلمتنى كتير مثلا أول ما تدخل اللوكشين في ابتسامة على وجهها و بتسلم على كل الناس الموجودة ده أكبر درس اتعلمته منها".
وعن ذكرياتها مع المخرج الراحل يوسف شاهين في تصوير فيلم إسكندرية نيويورك، ردت قائلة:" كان عندى مشهد صعب أوى و أنا كنت أول مرة أمثل والمشهد كان أكلم و أحزن وأعيط خده من أول مرة وبعد كده خلى اللوكشين كله يسقف ليا ومقدرش أنسى المشهد ده ابدا".
