كشف الفنان رامى صبرى خلال حواره مع الإعلامية منى الشاذلى على قناة cbc عن العديد من الأمور بحياته الخاصة مع زوجته، إذ تطرق مع زوجته للإجابة عن العديد من الأسئلة بصراحة شديدة، وذلك بعدما أكد أن زوجته صريحة للغاية بشكل فوق العادى، قائلاً "الفترة دى بشتغل على أغنية عجبانى جداً، وحاسس إن الأغنية هتبقى هى أهم أغنية ليا، فألاقى مراتى بتقولى إيه ده مش حلوة خالص".
رامى صبرى
وأضاف رامى صبرى خلال لقائه مع منى الشاذلى "أغنية أنا بعترفلك ما كانتش عجباها فى البداية، لكن مع الوقت عجبتها جداً".
وخلال الحلقة تحدثت شيرين عادل زوجة رامى صبرى عن بداية تعارفهما قائلة "جوازنا مكنش تقليدى وبداية تعارفنا كنت مع صاحبتى وحبيبتى مى كساب، وكنا خارجين وقاتللى نروح نقعد فى كافيه شوية، وبعدين قاتللى إيه ده رامى صبرى اهو".
وتابعت: "كانت مقابلة صدفة وهى وقفت سلمت عليه لأنهم أصحاب جدا، وأنا واقفة بعيد شوية لإنى معرفهوش بشكل شخصى، وراح جايلى وقالى ممكن أعرف اسمك إيه وقلتله شيرين قالى الاسم ده أنا بحبه جدا، ومن هنا كانت البداية"، ثم أهدى رامى صبرى لها 3 أغنيات خلال الحلقة هى أغنية "تعالى"، وأغنية "عجبتنى"، وأغنية "أسيبك يومين".
تم أضافة تعليقك سوف يظهر بعد المراجعة