قال الفنان هانى رمزى، إن الشخصية التى قدمها فى فيلم "غبى منه فيه"، قابلها فى الواقع مع وجود اختلافات، قائلا: "الشخصية دى شوفتها فى حياتى.. كان سايس فى الشارع اللى انا ساكن كده.. وهو كان زى الفيلم كده.. وكنت بقول كل يوم لازم اعمل الشخصية دى.. ومفيش اغبي كده".
وأضاف خلال حواره فى برنامج "أحلى كلام"، والذي يقدمه الفنان أحمد فهمي على قناة الحياة: "كان شخصية السايس كده يفضل يقولى اكسر يمين.. اكسر يمين بصوت عالى.. زى ما شوفناه فى الفيلم.. وكان بيخلى العربيات تخبط فى بعضها.. ولو اعتمدت عليه يخليك تخبط.. وحلفت أنى لازم اعمل الشخصية دى".
وتابع الفنان هانى رمزى: "نفسى اعمل جزء ثانى من فيلم "غبي منه فيه".. وده مطلب جماهيرى.. الحكاية صعبة خاصة بعد وفاة الفنان حسن حسنى والفنان طلعت زكريا.. اتشجعت بسبب تجربة "أبو العربي".. النهاردة بفكر اخد الشخصية واحطها فى احداث جديدة خالص.. ونلعب على الشخصية وليس امتداد الفيلم وده اللى بدور عليه فى الوقت الحالى".
