قال الفنان حلمى عبد الباقى، إن نجاح النجوم في جيل التسعينيات، يرجع إلى أن كل منهم كان له لون مختلف من الأغاني، ولم يكن هناك "سوشيال ميديا"، بعكس الوقات الحالي، يهتم الكثير منهم بـ"الترند" وليس المنتج الجيد، مضيفا: "السوشيال ميديا بوظت حاجات كتير، ولكنه بقى سمة الحياة ".
وأضاف خلال حواره مع الإعلامى عمرو خليل عبر برنامجه من مصر عبر قناة سى بى سى، :"على مدار السنين والأغانى اللى غنيتها مفهاش لفظ خادش وأولادى بيتباهوا بالأغانى دى.. وحاليا الناس بتعمل حاجة خارجة فى الأغانى عشان تبقى ترند".
وتابع :"بشكر كل من دعمنى فى مرضى.. والحمد لله والدتى كانت بتدعيلى، وحب الناس ودعاءهم ليا ساعدنى فى مرضى"، مضيفا :"كنت بحلم إني أعمل حاجة الناس تحفظها وكانت أغنية "ذكريات" وش الخير عليا فى الأغانى".
وأوضح :"هانى شاكر قنن شوية من الألفاظ فى أغانى المهرجانات.. وصعب جدا أى أسرة تسمع الكلام ده، ويعتبر كلام صعب جدا يخليك تدخل على سيارة الشرطة "البوكس" على طول.. ومصر بها فنانين عظام ولكن حاليا بنصدر الأغانى دى فى الخارج، لأأنه يخلى مصر ينسحب منها البساط بسبب الأغانى الرديئة".
