هالة صدقي: كنت بستمتع وأنا بهزأ نرجس في جعفر العمدة.. وبنات المسلسل كلهم صحابي
هالة صدقى: لو كنت صغيرة شوية واتعرض عليها دور فى جعفر العمدة هختار وداد
هالة صدقي تبكي بعد عرض إشادات الجماهير بها في دور "صفصف" بجعفر العمدة
هالة صدقى: نجاحي في جعفر العمدة "مكافأة" من الله و"طبطبة"
هالة صدقي: لو عربيتي عطلت هكلم عصام السقا.. ولو هروح اتخانق هاخد مي كساب
هالة صدقي: تجربتي مهما كانت صعبة "تافهة" ولها حل.. في تجارب مالهاش حلول
نجل هالة صدقى: بينادوني في المدرسة بـ"يا ابن صفصف"
صفصف الملكة.. تحية كبيرة من جمهور "معكم" للفنانة هالة صدقي
هالة صدقى: مخضوضة من نجاح "جعفر العمدة" ومش عارفة هعمل إيه بعد كدة
هالة صدقي: محمد سامي سبب نجاح جعفر العمدة وكان واثق إن "صفصف" هتكسر الدنيا
هالة صدقي: بنات جيلي مظلومات.. ونجاحي في جعفر العمدة انتصار لهن
حرصت الجماهير التي تحضر حلقة برنامج معكم مع الإعلامية منى الشاذلي، على تحية الفنانة هالة صدقي، تحية كبيرة، حيث ظلوا يصفقون ويهتفون باسمها فور دخولها في بداية الحلقة.
وقالت الإعلامية منى الشاذلي خلال البرنامج الذي يذاع على قناة "cbc": "الملكة صفصف، الناس كلها مش وراها غير صفصف، قاعدين على الفطار صفصف، حتى الناس بدأت تحط صورك على التيشيرتات، الناس بتنزل تشتري عباية صفصف".
لترد الفنانة هالة صدقي عليها قائلة: "الحمد لله، الحمد لله إنها وصلت للتيشيرتات".
وقالت الفنانة هالة صدقي، إن ما حدث في مسلسل جعفر العمدة، كان نجاحا غير عادي، مؤكدة أنها أحست إحساسا غريبا يُشبه الخضة.
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "أنا مخضوضة، طبعا ردود أفعال الناس وعلى السوشيال ميديا، حاجة تفرح، لكن أنا فرحانة ومش فرحانة في نفس الوقت".
وقالت: "أنا ست كئيبة بطبعي، فرحانة بالنجاح، وزعلانة لأني فكرت أنا هعمل إيه بعد كدة؟ جالي مكالمتين من ناس متخصصين، قالوا كلام حلو بشكل مش عارفة أوصفوا، وفي كاتب كبير جدا كلمني وقالي أنا مسكت القلم عشان أكتب، معرفتش أكتب إيه، وبعد ما قفل قعدت أعيط، وسألت نفسي هعمل إيه بعد كدة؟".
وقالت الفنانة هالة صدقى، إن السبب الرئيسي في نجاح مسلسل جعفر العمدة، يرجع إلى مخرج وكاتب العمل محمد سامي.
وردا على سؤال كيفية حصولها على دور "صفصف" في جعفر العمدة، قالت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "محمد سامي كلمني في الصيف، وقالي يا هالة أنا قاعد بفكر في شخصية ومش شايف حد فيها غيرك أنتي، قالي هو دور لواحدة ست أم لاتنين كبار في السن، قولتله أنا مش عندي مشكلة، وأنا عملت دور رمضان قبل كدة، قولتله ممكن نعمل ده بالميكب والإضاءة، رديت على محمد سامي قولتله أنا موافقة يلا نشتغل".
وقالت: "الإضاءة لعب دور مهم جدا في تغيير ملامح صفصف، كان في ضبط بين الميكب والإضاءة، علشان منحسش أنه ميكب بجد، هو تأكيد على الملامح والخطوط اللي في الوش".
وتابعت: "وأنا بقرأ الاسكريبت كنت حاسة إن الدور مش هو اللي أنا عاوزاه، اللي مكتوب على الورق حاجة، والتنفيذ حاجة، سألني محمد سامي، بتثقي فيا ولا لا، قولتله بثق فيك، هو عنده بعد نظر، وكان طول التصوير يقولي أنتي مش عارفة صفصف دي هتعمل إيه مع الناس".
وقالت الفنانة هالة صدقي، إن "الإفيهات" التي كانت ترددها أثناء تأديتها دور "صفصف" في جعفر العمدة، كانت مكتوبة ضمن السيناريو.
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "من كتر مشاهد (صفصف في الشرفة) قولت هو الدور كله في الشرفة؟ محمد سامي كان عامل حالة بوقفة الشرفة دي، كان بيختار زوايا تعبر عن الإحساس والمشاعر والحالة اللي فيها شخصية صفصف في المشهد"
وقالت: "بشكر محمد سامي من كل قلبي إنه قدر وشال قشرة كانت موجودة عليا وهو شالها، وظهرت هالة صدقي من تاني".
واعتبرت الفنانة هالة صدقى، أن نجاحها في تأدية دور صفصف بمسلسل جعفر العمدة، هو نجاح لكل "بنات جيلها"، مشيرة إلى أن هناك عدم اهتمام بهذا الجيل، ومحاولات لإنزالها "درجة ثانية"، ولم يحاولوا من قبل استغلال قدراتنا.
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "المشكلة اللي هواجهها بعد كدة، إن كل الأدوار اللي هتجيلي بعد كدة هتبقى صفصف، ولما نجح دوري في حسن أرابيسك، جالي أدوار بعدها نفس شخصية توحيدة في المسلسل، وأنا كنت برفض، أنا كنت خايفة على نجاح توحيدة، وصممت أبعد عن الشعبي".
وقالت: "في تشابه كبير بيني وبين صفصف، أنا شعنونة، بس الناس بتفهمني غلط، أنا مش بعرف أزوق الكلام، والقريبين مني أوي فاهمين ده أوي، اللي عارفني فاهم ده، واللي مش عارفني كويس هيتخض".
وقالت الفنانة هالة صدقي، إنه أثناء مسلسل جعفر العمدة، كان هناك "كيميا" عظيمة بينها وبين الفنان محمد رمضان، مشيرة إلى أن محمد رمضان "ممثل"، بكل ما تحمله الكلمة من معنى، موهوب للغاية ولديه إحساس.
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "محمد رمضان شاطر وبيفكر برة الصندوق، ولما بنكون مع بعض بنشتغل مع بعض على خط واحد، أنا ورمضان ومحمد سامي، طلعنا مشاهد أكثر من رائعة".
وقالت: "كنت جاية من المطار على التصوير، وكان عندي حساسية ووشي ورم، وكنت تعبانة جدا، وكنت واخدة كورتيزون علشان لازم أصور، وظهرت في مشهد مع محمد رمضان بعدها، وكان مشهد جميل".
وقالت الفنانة هالة صدقي، والتى قدمت شخصية "صفصف" ضمن أحداث مسلسل جعفر العمدة، أنها استقبلت مكالمات تهنئة بعد براءة جعفر العمدة.
وردا على سؤال كيفية حصولها على دور "صفصف" في جعفر العمدة، قالت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "محمد سامي كلمني في الصيف، وقالي يا هالة أنا قاعد بفكر في شخصية ومش شايف حد فيها غيرك أنتي، قالي هو دور لواحدة ست أم لاتنين كبار في السن، قولتله أنا مش عندي مشكلة، وأنا عملت دور رمضان قبل كدة، قولتله ممكن نعمل ده بالميكب والإضاءة، رديت على محمد سامي قولتله أنا موافقة يلا نشتغل".
وردت الفنانة هالة صدقي، على سؤال الإعلامية منى الشاذلي، "مين أكتر واحدة كنتي بتستمتعي بتهزيئها في مسلسل جعفر العمدة؟"، وقالت: "البت بتاعة الأعمال.. نرجس لأنها سرقت الجلاليب بتاعتي".
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "في مشهد الدجالة، محمد سامي قالي هي ليها قلمين، وأول قلم ماجاش، لطشتها القلم الأول، مجاش طبيعي، فخلتها واقفة وضربتها على خوانة، أنا أنقذتها من القلم التاني هي هربت مني فيه".
وقالت: "مكنش في مشاكل بين الناس اللي شغالة، لكن كان في غيرة بسيطة، لكن كل البنات في المسلسل كانوا حابين بعض، وأنا بتعامل معاهم صحبتهم، عاملين جروب مع بعض وبننم مع بعض".
وتابعت: "إيمان العاصي مكنتش صحبتي أوي أول المسلسل، وفي بداية المشاهد لما كنت بشتمها في الدور، كانت بتتخض مني، وفي النهاية هي مكنتش عارفة شخصيتي، وأنا حسيت بده، قعدت اتكلمت معاها وهديت شوية، ولما اتصاحبنا الحكاية خفت، مبقتش مخضوضة، جوري كانت مخضوضة وخايفة مني، وصباح كانت برضه بتخاف مني".
وقالت الفنانة هالة صدقى، إنها لو كانت أصغر سنا، وعُرض عليها أحد الأدوار في مسلسل جعفر العمدة، لاختارت دور "وداد" زوجة سيد العمدة، والذي قامت به الفنانة جوري بكر.
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "دور وداد دور عظيم، ده دور فيه شغل ممثل وتمثيل بجد، الدور طالع نازل، محمد سامي استغرب لما قولتله إن ده أجمل دور ممكن الممثل يقوم به".
ودخلت الفنانة هالة صدقي، في نوبة بكاء، بعدما عرضت الإعلامية منى الشاذلي، إشادات الجماهير بها أثناء تأديتها دور "صفصف" خلال مسلسل جعفر العمدة.
وقالت خلال لقائها ببرنامج "معكم" الذي يذاع على قناة "cbc": "احنا عندنا ممثلين عظماء ومخرجين عباقرة، وفنيين ملهمش حل، لكن معندناش كُتاب، اللي هما أساس الحكاية".
وقالت الفنانة هالة صدقي، إنها تعرضت للعديد من المواقف الصعبة في حياتها، ومن الممكن أن نجاحها في مسلسل جعفر العمدة، مكافأة من الله و"طبطبة".
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "مهم أن محدش يهز ثقتك في نفسك، متخليش حد يكسرك أو يفقد ثقتك في نفسك، لأنك لو دخلت في الحالة دي عمرك ما هتنجح، ومتبصش في حياة حد".
وعلقت على صيامها خلال الفترة الماضية، وقالت: "أنا بقيت بعرق زيت، وبعدين مش هبقى صايمة وكدابة".
وقالت الفنانة هالة صدقي، إنها لو قررت تصطحب شخصية من الشخصيات التي شاركت في مسلسل جعفر العمدة لشراء ملابس، ستختار "دلال" أو الفنانة إيمان العاصي، لأن ذوقها في اختيار الملابس جيد.
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "لو عربيتي عطلت في الشارع بقى هكلم عصام السقا أو نعيم، أما لو نازلة خناقة مع ستات، هاخد مي كساب اللي هي ثريا، هتعمل الواجب، ولو هعمل جمعية، هخلي المسؤول عنها حد غير فتوح".
وقالت: "أما بقى لو عندي سر، مؤكد مش هختار سيد العمدة، أما بقى اللي نفسي أرنها علقة هي وداد، أما جعفر بقى، ده حبيب قلب أمه".
وعلقت الفنانة هالة صدقى، على مرورها بالعديد من الأزمات خلال حياتها، وقالت: "ولا كأن في حاجة، كل واحد مننا ربنا أعطاه تجربة، هل هتعرف تخلص منها ولا مش هتعرف، ابتلاء".
وأضافت خلال لقائها مع الإعلامية منى الشاذلي ببرنامج "معكم" الذي يذاع على قناة "cbc": "أنا بقول الحمد لله أن تجربتي ممكن أقول عليها تافهة أوي، مش هي التجربة اللي تكسرني، شوية إجراءات تمام، لها حل، لكن في ناس تجاربها مالهاش حل".
وقالت: "متعودة أعوم ومازلت بعوم، لازم ساعتين تلاتة، لكن أنا وقت التصوير مكنش في مجال، قعدت شوية شهور مش بعوم، لكن أنا لا يمكن أنسى إني سبّاحة، حتى لو عندي مشاكل الدنيا كلها".
وتابعت: "قولت لخالد يوسف، لو ليا دور من الأول للأخر في مسلسل سره الباتع، كنت هاخد فيه جوايز، المشاهد قليلة لكنها كانت حلوة أوي".
وقالت: "جربت أعمل حاجة غير التمثيل، لكن منجحتش، كان مشروع، دفعت فيه اللي ورايا واللي قدامي، لكن منجحش، أنا دلوقتي مشتركة في مشروع مع مجموعة من صحابي، لازم تأمن نفسك وأولادك، ودايما بقول لزملائي شوفوا شغل مع الفن، وأنا بفهم في شغل المطاعم".
وقال سامو زكريا، نجل الفنانة هالة صدقى، إن عددا من زملائه في المدرسة ينادون عليه بـ "يا ابن صفصف"، مشيرا إلى أن والدته تعامله هو وشقيقته وكأنهما أصحاب.
فيما علقت مريم زكريا، ابنة الفنانة هالة صدقي خلال لقائهما مع الإعلامية منى الشاذلي ببرنامج "معكم" الذي يذاع على قناة "cbc": "كان عندنا عزومة، وأثناء العزومة كان اللي موجودين بيسيبوا العزومة وبيتفرجوا على ماما".
وقالت مريم: "كلمة ماما لازم تمشي، لو حد فينا جه متأخر بالليل، بنتعاقب مش بننزل تاني يوم، ولما يتخانق مع أخويا دايما بتيجي في صفه".
تم أضافة تعليقك سوف يظهر بعد المراجعة