قال الفنان منذر رياحنة عن مسلسل جعفر العمدة: إحنا اشتقنا إن العيلة تتلم كلها على مسلسل، وتعيش معاه، في ظل الأجواء الرمضانية، ونقدم افتراحات وحلولا للحلقات القادمة.
وتابع خلال مداخلة ببرنامج السفيرة عزيزة المذاع على قناة دى إم سى: كان في تفاعل بشكل مباشر مع مسلسل جعفر العمدة ولحظى، وكأننا على خشبة المسرح والجمهور أمامنا ويقولنا اعملوا كذا وما تعملوش كذا.. حالة فنية مميزة، ومى كساب كلمتنى في التليفون بتقولى أوعى تظهر النهاردة ، ونحن تفاعلنا مع الجمهور وبالنسبالى ببص على الحلقات الأولى ان نفسى أخرج من السجن علشان ادافع عن اهلى .
وأكمل: في لحظة كنت واحد من الجمهور وبتفاعل مع المسلسل، لو عاوزين ناخد أبعاد شخصية شوقى بعيدا عن الاكشن واحد كان عايش عادى وبيروح الصبح على شغله فجأة صحى لقى أخوه مقتول وهو شخص مش قاتل ولا مجرم ولو كان قاتل كان في مشهد الفلاش باك خلص على جعفر وحتى مشهد النهاية دخلت السجن علشان أهلى ورجعت دخلت السجن علشان أهلى .
