كشفت الفنانة ياسمين عبد العزيز أثناء حلولها ضيفة على برنامج صاحبة السعادة مع إسعاد يونس على شاشة قناة dmc، أنها لم تكن تحلم بالتمثيل في سن صغيرة، بقولها: "ما كنتش عايزة أبقى ممثلة ولا بحلم بكده، كان حلمي في البداية إني أبقى ظابط، وده من أسباب إنى عملت فيلم أبو شنب من كتر ما كان نفسى وحلمي أبقى ظابط بنت، ولكن ما نفعش رغم إنى سألت وقتها".
وأضافت ياسمين عبد العزيز: "كمان كان من أحلامى أبقى مخرجة إعلانات زي طارق نور من كتر ما كنت مبهورة بيه وأنا بعمل الإعلانات".
أيضاً كشفت الفنانة ياسمين عبد العزيز أنها كانت أغلى موديل للإعلانات وقت تقديمها لها، رغم سنها الصغيرة وقالت: "أنا كنت اللى بصرف على نفسى في الدراسة، وجبت لنفسى عربية وشقة في سن 16 عام فقط، وده أمر إيجابى لأنى كنت مسئولة عن اللى حواليا، وعمري ما عملت بالفلوس الكتير اللى كانت بتجيلي حاجة غلط".
وأضافت ياسمين عبد العزيز، خلال حلولها ضيفة فى برنامج "صاحبة السعادة": "أنا اتعودت إنى أدى بس، ما أخدش خالص حاجة من حد".
وكان آخر أعمال ياسمين عبد العزيز الفنية مسلسل "ضرب نار" الذى تم عرضه فى شهر رمضان قبل الماضى 2023، والعمل من تأليف ناصر عبد الرحمن وإخراج مصطفى فكرى وإنتاج شركة سينرجى وبطولة ياسمين عبد العزيز، أحمد العوضى، ماجد المصرى، هدى الإتربى، سهير المرشدى، دنيا المصرى، إسراء رخا، أحمد غزى، إيمان السيد، بدرية طلبة، أحمد عبد الله، زينة منصور، تيسير عبد العزيز، تامر مجدى وآخرين.
