الاسم: #محمـود_مـاهر
والسن: بيقرب على العشريـن
فى العفرته: واد جن بقالى سنين
والمهنة: بكتب شعر أى كلام
والخوف: بخاف دايما من الأيام
والشوف: نص على 6 مابجبش 100 متر قدام
وديانتى: أنا اتشرفت بالإسلام
والخبرة: ياما هتعلم كتير م الكل
والبشرة: يمكن قمحى أو يمكن أقل
والشعر: إسود زفت وبضربه بالجل
فى الطيبة: قلبى أبيض
فى الجد: متردد
فى الحزن: متعود
لون العيون: عسلى
فى الجدعنة : أصلى
جنسيتى: مصرى
والشكل: طووويل وارفع
وطموحى: نفسى اطلع
والخيبة: إنى اطمع
والحالة: مرتبط معترف
فى الحب: بتقل واتحدف
والقلب: جرب واكتشف
وفى اللباقة: لبق
وفى التناكة: مش تنك
وفى الشياكة : على ادى
وفى الحداقة :اعجبك
وفى الخناقة: اتعبك
واطلع العيب فيك
رقم البطاقة:أرقام كتير
والغيرة: أنا طبعا بغير
وأمانتى: بعملها بضمير
رايح لفين: ما اعرفش
وحكايتى: ماتهمكش
وهوايتى: أتابع ماتش
_عرفتنى؟؟ : جدا
_عاشرتنى؟؟: ما اعرفكش
طب ولو دلعك: اقولك ماليش للاسم ده شئ ساندو
ساعات يتقالى محمود وأوقات كتير مـاندو
ورقة وقلم - صورة أرشيفية
