باحلم أشوف صاحب المنصب العالى متواضع
يسمع آهات الغلابة ويكون لآلامهم بلسم دافع
تكون دعوة قلب غلبان لك يوم الحساب شافع
يحبك الناس يحبك ربنا والحب دا هو لك رافع
***
باحلم أشوف أقوالنا أفعالنا علم عفة وإنسانية
يحضن سلوكنا فكرنا نحصد خير مع الصبحية
أفعالنا تسطر تكافل تتحقق لنا عدالة اجتماعية
تقتل الفرحة أحزان تبقى الخدود زهور وردية
***
باحلم أشوف مصلين العشا وأكتر فى الفجرية
وصلاتنا تكون منهاج إخلاص لحياتنا اليومية
والخطب والدروس بلغة العصر حصة تعليمية
إيدينا تتمد بالخير لرضا ربنا فى أعمال خيرية
***
سيبونى أحلم أجفف بآمالى آلامى وكل آهاتى
أحضن خيوط الشمس بالأمل تدوب فيها ذاتى
أزرع شجرة أمل إخلاصا ويقينا لله من عثرات
ارزقنا حسن الأفعال يا رب الأرض والسماوات
***
