أقولها إزاى ...مانيش عارف
بحبك ..وانتى رفضانى
أنا منك ..بقيت خايف
ياسيبانى ف أحزانى
وجانا وقت نتفارق
يا رفضانى وانا العاشق
ومين بالجرح كان سابق
ومين سابنى فى أحزانى
اقولها ازاى ...
انادى عليكى من قلبى
بصوت مجروح
قوليلى هو ايه ذنبى
كفاية جروح
وانا لو كنت باضحك لك
حلاوة روح
دا جرحى كان على يدك
يا حرمانى جمال ودك
ما فيش فيه حد من بعدك
ولا قبلك حبيب تانى
اقولها ازاى ...
اشوفك جوه أحلامى
أعيش الحلم
وأنسى قسوتك ليا
وأنسى الظلم
وأطمن قلبى برجوعك
يضيع الهم
واقول من تانى هتجينى
كصوت الناى وتحيينى
قدر مكتوب على جبينى
وشوق بيهز وجدانى
واقولها ازاى
