تبدأ الإعلامية فاطمة مصطفى تقديم أولى حلقات الموسم السادس من برنامجها "ماما دوت أم" على شاشة dmc يوم الجمعة المقبلة 15 سبتمبرفى تمام الساعة التاسعة مساء.
وروجت فاطمة للبرنامج على صفحتها الرسمية بموقع التواصل الاجتماعى فيس بوك، حيث نشرت بوستر البرنامج، معلقة عليه: "الموسم السادس من ماما دوت أم هيبدأ من الجمعة الجاية الساعة 9 مساءً على قناة دي إم سي.. أسرار وحكايات ممكن ماتكونوش سمعتوا عنها قبل كده، يارب الموسم يعجبكوا ونستفيد منه كلنا ونعرف ازاي نبني بيت سليم وتربية سليمة أساسها المودة والرحمة"
فاطمة مصطفى
يذكر أن الإعلامية فاطمة مصطفى تقدم حاليا على إذاعة 9090 برنامج " الراديو بيضحك " ولقد استضافت مؤخرا الفنان أمير كرارة الذى اعرب عن سعادته بمقارنة مشاهدى برومو "البعبع" الفيلم بفيلم إشاعة حب، قائلاً: "كنت متأكد إن فى ناس كتير هتقارن لما يشوفوا البرومو، بسبب مشهدى مع الطفل، ودى حاجة تسعدنى، لأن ده فيلم عظيم طبعاً وفى منطقة تانية فى السينما".
وأضاف أمير كرارة للإعلامية فاطمة مصطفى على إذاعة 9090: " سعيد بفيلم البعبع لأن كتير بيشوفونى مش بعمل غير أكشن، وماليش فى الكوميديا، وأنا فعلاً مش كوميديان، لكن الفيلم واخدنى لمنطقة تانية مبسوط بيها، من خلال خفة الدم اللى موجودة فيه عبر مواقف كتير فى الفيلم".
كما كشف كرارة كواليس مشهد ضربه بالقلم من الفنانة القديرة إنعام سالوسة فى فيلم البعبع، والذى خطف الأنظار خلال البرومو، قائلاً: "إنعام سالوسة فنانة كبيرة وقديرة جداً، وبالتأكيد كان لازم ظهورها يبقى مختلف، وفى مفاجآت كتيرة فى العمل، وكل الممثلين هيظهروا بصورة مختلفة تماماً عن اللى جمهور متعود يشوفهم فيه".
