قالت الحاجة زكية عرفة، انها تعانى من مرض السكر ، وتعانى ايضا من السمنة، ولا تقدر على الحركة من على فراشها، وأن الموت علليها أهون من ما هى فيه، وهى تعانى من السمنة المفرطة منذ أكثر من 11 عاما، وأضافت أنها كانت تعمل وتتحرك دون تعب، ولكن بعد أن جائتها السمنة المفرطة ظلت جليسة الفراش لا تقدر على الحركة.
وأستكملت زكية حديثها وقالت "شوفلكوا صرفة فيا إن شاء الله أموت، أنا عايزة اعمل عمليه تقصير معدة، ورجلي ادى المفصلات اللى فيها دى يغيروهالى، لانى حاسة ان ركبى فاضية، مبنمش والله، بالليل بفضل قاعدة كده زى ما انا قاعدة، وأفضل اتفرج على التليفزيون بس كده، ومش بقدر أنام ولو نمت أتخنق، مبقدرش اتحرك خالص ولا اقدر اخش الحمام ولا اعمل اى حاجة".
وأختتمت الحاجة زكية حديثها باكية وقالت " أنا بناشد المسئولين ، أو أى حد يقدر يعملى عملية، يتولانى من اللى أنا فيه ينوبه ثواب، ويجعله فى كل خطوة سلامة، لان انا تعبت مش عارفه اعمل اية ولا اروحى فين، اقف على رجلى بس أو أخش الحمام، أو اقف على الشباك ده ، أنا أكنى فى سجن، مخنوقة ومش قادرة أعمل حاجة، والحمد والشكر ليك يارب.
