تفجير مسجد الروضة
مشاركة
اد كده قلبك غليظ
والكره ماليه مع حقد و غيظ
أد كده خاين و مالكش غالى
و فى الندالة مقامك عالى
جاى تقتل مسلم قاعد جوة مسجد
بيدعى لإلهه و له بيسجد
و لما يصلى بيصلى ع النبى
ما هو مؤمن بيه زيك يا غبى
يعنى قتلت واحد من أصل دينك
مفروض تشيله ف ننى عينك
لكن إنت جيت و ضربته بالرصاص
لإنك عديم الرحمة و الإحساس
قتلت العُزَلْ الراكعين الساجدين
ودماهم ح تبقى ف رقبتك ليوم الدين
حاسب بقى مننا أصلنا مهما جرى لنا
ناويين كلنا مع جيشنا ناخد بتارنا
مشاركة
