صعب تشوف عينك حياة وبعد شوية متشوفهاش
يهز قلبك ألف آه وتعيش فى دنيا ما تعرفهاش
إحساس يقتل أى شعور ويدبح حلم لسه ما جاش
تعيش حياتك بيه مكسور وتشوف حاجات ما تعرفهاش
صعبة الحياة من غير نور وناس كتير ما بترحمهاش
مهما تعللى وتبنى فى صور الصورة ضلمة ناقصها فلاش
ياللى قلبك مفيهوش نور افتح بابه وشوف الناس
د كل شىء فى الكون ليه دور ودور القلب الإحساس
ساعد حب اعمل خير بطل تؤذى شعور الناس
د ربى وربك رب كبير خلى الحب ما بيننا أساس
من غير الحب إزاى هنعيش يا قلوب مقفولة بميت ترباس
حبى بجد ومتعانديش لا يموت الحب والإحساس
