صورة أرشيفية
مشاركة
من عندها
وتاريخ ميلادى والشهادة وتطعيماتى كلها
موقعاها بخطها
وراشق فى قلبى ختمها
وبطاقتى فيها مكان ميلادى أرضها
ومحل عملى حراسة على باب قلبها
جنسية المذكور مكتوب اسمها
دقق فى صورتى
تشوف ملامح وشها
أنا من هناك
وهناك جذورى ومنشأى
توكيل صيانتى والضمان من عندها
كتالوج حياتى فى درجها
سيرتى الذاتية ف كلمتين
"صنع هناك"
"من أجلها"
كنا سوا يمكن خلية فى جسم جد جدنا
مع بعضنا
من قبل حتى ما نتولد
مكتوب لنا
إنى أكون من عندها
أنا منَّها
مشاركة
