كشفت السيدة فايزة من البحيرة، التي استطاعت تربية 4 شباب من ذوى الهمم، عن رحلة تربيتها لأبنائها أصحاب القدرات الخاصة، معقبة: "ما استحملش عليهم الوجع.. ومش عايزة حاجة من حد".
وأضافت خلال حواره مع الإعلامى عمرو الليثى في برنامج "واحد من الناس"، والمذاع عبر شاشة قناة الحياة: "مش بيعرفوا يخرجوا من البيت.. وربنا بيرزق فى الأكل، وبقول الحمد لله على كل حاجة.. وبيفهمونى وبفهمهم وراضية باللى ربنا ادهونى والحمد لله".
وتابعت: "لو جانى غيبوبة السكر وهما قاعدين معايا بيضحكوا مش بيعرفوا يعملوا حاجة.. واتمنى منهم واحد يتجوز ويخلف عشان لما اموت اكون مرتاحه.. وببقى عيانة وبعالج اى حد فيهم ولا اعالج نفسى وهما نور عينى اللى بشوف بيها".
وأوضحت :"مستحملش حد يقول اه منهم ولا يتوجع.. والحمد الله على كل حاجة وراضية بكل اللى ادهونى ربنا وبحمد ربنا.. وربنا هما اللى بيراعيهم لو مت ومحدش ضامن عمره هيموت امتى".
وأكدت :"زوجى يعمل فلاحا وتزوجنا منذ 50 سنة.. لديهم مرض كهرباء فى الدماغ، والكبير جات له الكهرباء فى سن 5 سنوات وأثرت على المخ والتانى جات له كهربا وحساسية على صدره ومش بيتكلموا خالص.. وبياخدوا علاج للحساسية".
